Mari Datura

...har eg først og fremst hatt eksamen. Derav mitt store fråvær. Eg har også flytta og vore på ferie i Cornwall. No er eg heime i Høyanger for sommaren, jobbar på Høyanger Sentralkjøkken (verdas desidert koselegaste arbeidsplass), prøvar å vere litt meir aktiv enn eg har vore den siste tida (altså: mesteparten av rørsla har vore ruta lesesalen --> Bunnpris --> lesesalen), og les Evolusjonslære og økologi, som eg skal ta eksamen i i slutten av september. Det siste av studiepoengrelaterte årsaker. Heldigvis er det eit spanande fag.

Takk for kommentarane på det siste innlegget! Eg såg dei for ei stund tilbake, prøvde å skrive eit kort innlegg som svar, men blogg.no døydde. Ein av fleire grunnar til at eg no snusar seriøst på å bytte til Wordpress.

Håpar alle har hatt ein fin mai og har ein fin juni!

I Cornwall. Regnjakke og bare føtter er det nye store, har du ikkje høyrt det?

Slik som dette burde det vere over alt. Det var ikkje før eg gjekk på vidaregåande at eg fekk vite at ikkje alle feirar den internasjonale arbeidardagen. I fjor var eg i Bergen på 1. mai, og det var eigentleg ganske kjedeleg. Heretter skal eg prøve å få reist heim kvart år, for ingenting gjer meg stoltare over heimbygda mi enn denne feiringa.

For å gi dere ei kjensle over kor stor den er: nokre Høyangerungar klarar ikkje heilt å sjå forskjell på 1. og 17. mai.

Min fine mamma til venstre.

Går treigt med blogginga, ja! Verre skal det bli, for frå måndag av er det eksamensstress for alle penga. Eller, i mitt tilfelle, konstant kamp mot eksamensapatien. Det er eit eller anna som gjer at eg kvar gong det nærmar seg eksamen byrjar å gi totalt f... i alt som heiter studie. Nokre tips for korleis eg skal ta ting meir seriøst?

Denne veka har det vore fantastisk vêr i Bergen. På tysdag kom kjærasten min heim frå Nordsjøen ein kort tur (han reiser ut igjen i morgon), og i går var det grilling hos Siri med påfølgjande vorspiel og tur ut. Eg testa kombinasjonen kvitvin og Battery, og det var faktisk godt! Men kanskje ikkje så innmari classy...

I dag reiste eg heim, for i morgon er det 1. mai-feiring i Høyanger med tog og greier. Mamma skal bære Palestina-parole. Eg kunne nesten tenkt meg å bære ein plakat med stygge ord om Nina Karin Monsen.

Men det ville jo vore usakleg, og eg vil ikkje synke til hennar nivå.

Tenk deg dette: du har heile semesteret lagt timesvis med arbeid, kvar veke, i ein labjournal. No er lab-delen av faget ferdig, og du har levert det endelege produktet, innbunden med forside og innhaldsforteikning, til siste godkjenning. Boka skal seinare vere til hjelp i eksamensførebuinga di.

Når du får tilbake journalen er sidene fuktskada og heile boka stinkar øl.

Dette er realiteten for fleire KJEM131-studentar denne våren. Kvifor? Fordi nokre jævla idiotar helte øl ned i innleveringsluka på fredag. Det er så dårleg gjort at eg ikkje kan få sagt det. Omtrent alle som går på Mat-Nat veit godt kor mykje arbeid som går inn i ein labjournal, og når nokre så bevisst øydelegg medstudentar sitt arbeid... Eg har rett og slett ikkje ord, og eg drit langt i kor fulle dei som gjorde det var.

Dette var også dråpen som fekk begeret til å renne over for Kjemisk institutt. Verken KFU, Nanos eller Generica (farmasøytisk fagutval, som ikkje hadde noko med festen på fredag å gjere) får no lov til å arrangere fest på Realfagsbygget. Så der røyk eit bra sosialt tilbud, og ei viktig inntektskjelde for fagutvala.

Eg trudde realfagsstudentar liksom var smarte, eg?

Går det an å vere så fyllasjuk? Usj, eg er verkeleg ikkje bygd for å feste to kveldar på rad.

Nokre bilete frå fredagen:

Fine himmelen.

Mi skitne og opprivne russebukse. Det var kjempeflaut å gå igjennom sentrum i den, for eg følte det var veldig tydeleg at eg faktisk ikkje var russ. Eg skulle hatt eit skilt der det stod "Eg er ikkje russe-poser, eg skal berre på russefest!".

Russefesten gjekk stort sett bra, men KFU (der eg er med) og Nanos kjem til å få ein del kjeft av eigendomsavdelinga på måndag - det var nemleg ein dust som presterte å knuse ei av glassdørene på Realfagsbygget. Artig.

I går var eg først ute i Nordnesparken ein kort tur med Kristine, før turen gjekk til fest på Gyldenpris. Eg vart hyperfull (noko som svært skjelden skjer) og hadde det kjempegøy, men fekk som nemnd merke konsekvensane i dag. Blir tidleg i seng i kveld, trur eg.

Håpar alle har ein fin søndag! 

Eg fann ut at berre minestronesuppe vart litt lite til middag, derfor "spica" eg opp maten med to ostesmørbrød og litt spekeskinke. Godt, og kanskje litt sunt?

Natt til søndag drøymde eg at eg var på bloggfesten. Eg krangla med Lars Tangen, var full og alt gjekk litt skeis. Eg lurar på om eg ikkje kanaliserte Sofsen.

Eg har delte meiningar om helgas store fest. På den eine sida var det sikkert artig for dei som var der, men det er noko med konseptet "vi skriv alle om livet vårt på nettet, og på grunn av dette eine vi har til felles skal vi samlast og feste" som eg tykkjer er litt...rart. Litt tvunge, på ein måte, og veldig meint for dei som er på topplista og allereie kjenner kvarandre.

Det heile blir berre meir kleint når Ida Wulff dagen etterpå postar bilete av ho sjølv, Moldemafiaen og June Sundet på Fridays. Noko seier meg at den gjengen ikkje ville invitert med seg ukjende "Kari", "Mette" og "Anne" (som også var på bloggfesten, men som kanskje har maks femti unike besøkande kvar dag) på dagen-derpå-mat.

Det er sikkert min sjølverklærte kommunist-pappa sitt verk, men eg mislikar alt som minnar om elitisme. Og når eg støtt ser toppliste-folk som møtes, utan at det verkar som om dei har noko meir til felles enn populariteten sin, då får eg litt vond smak i munnen.

Kjære alle dere som var på avisrommet på biblioteket samtidig som meg i dag: eg beklagar verkeleg mi konstante snufsing, som ikkje akkurat fungerte som musak for dere der dere sat og las dagens avis. Det har seg nemleg sånn at hand i hand med våren så kom Herr Forkjølelse på besøk, og han satte seg bestemt i nasa mi. No er den heilt raud, og eg har sikkert gått igjennom ein rull med tørkepapir berre i dag.

Unnskyld viss dette blei for mykje informasjon.

Eg skal derimot ikkje klage. Som resten av bloggverda (og resten av Noreg etter dagens avisoppslag), har eg fått med meg den forferdelege beskjeden Regine Stokke fekk denne veka. Eg skal ærleg innrømme at eg ikkje har lest bloggen hennar før no, men historia hennar gir meg vondt i hjartet. Det skulle ikkje vore lov at så unge menneske, med så mange moglegheitar framfor seg, skal få dødelege sjukdomar. Dagens artikkel i Dagbladet var veldig respektfull, med mykje fokus på hennar eigne ord og lite "tabloid" språk. Om du ikkje fekk lest den i papirutgava, tykkjer eg du skal lese den her. Makan til sterk jente! Eg håpar verkeleg utanlandske legar kan hjelpe ho.

...byrjar alle på S:

• Sol - det har vore skikkeleg sommarvêr i dag, 16 varmegrader og greier. Då eg var i sentrum i ettermiddag kokte det nesten over med folk som var ute og koste seg i finvêret.
• Sushi - i dag hadde eg Spicy Salmon frå Cyclo til middag, det er så fantastisk godt! Anbefalast verkeleg.
• Stipend - eg fekk både stipend og lønn i dag. Det var ein ganske god følelse å sjekke nettbank når saldoen i går var på 42 kroner. Og dette ledar meg til siste punkt:
• Shopping.

Begge frå H&M. Skoa har eg sikla på lenge. Eg var overbevist om at dei var utsolgt over alt, men på Galleriet hadde dei mange par. Kjolen er berre kjempesøt. Eg har blitt heilt hekta på kjolar i det siste, sikkert fordi eg har fleire venninner som også er det. Det er så feminint og fint!

Har du gjort noko kjekt i dag?

Sidan eg kom heim på søndag har eg vore i det nostalgiske hjørnet. Biletet over er frå barne- og ungdomsskulen, som vi berre måtte innom då vi gjekk tur forrige dagen. Eg har tenkt mykje tilbake på ungdomsskuletida; gjengen vår, og alt det morosame vi fann på. Som eg pleiar å sei: eg har aldri vore så rar som då eg var fjorten. Noko eg er litt takksam for i dag, då det av den grunn ikkje finnes bilete av meg i fæle Miss Sixty-bukser og Buffalo-sko. Eg gjekk i skjørt, gleda meg vilt og uhemma til Ringenes Herre-filmane, og las tusenvis av sider fantasylitteratur.

Det er dette siste eg har mimra mest om, i stor grad på grunn av nyhenda om at det kjem ei ny Wheel of Time bok til hausten. Det er første del av ein trilogi som skal avslutte serien, etter nesten 20 år og originalforfattaren sin bortgang. Det blir litt spanande å sjå om den nye forfattaren vil prøve å kopiere skrivestemma til Robert Jordan, eller berre skrive som seg sjølv. Forhåpentlegvis finn eg tid til å lese boka, sjølv om den kjem rett før eksamenstida.

Sannsynlegvis kjem eg til å lese den uansett. Eg hugsar det var ei gruppe på Blink (forsåvidt også noko å mimre om) som heitte "Vi som elsker WoT, men hater at vi oppdaget den i eksamenstida". Jaja, eg treng litt urealistisk eventyr oppi all entropien, funksjonane og relativiteten.

Kva hugsar du best frå då du var fjortis?

•  At alt i verda strevar ubevisst mot meir rot?
• At nordpolen eigentleg er ein sørpol?
• At tida går fortare for ein som er i rørsle, enn ein som står i ro?
• At lengde er relativt?
• At massen din aukar frå du går til du spring?
• At om du veit farten til eit elektron, har du ikkje sjans til å finne ut kvar det er?
• At du er ei bølgje?

Meg på Finnegans på laurdag. Det var ein veldig koseleg kveld som resulterte i ein heil haug med tullebilete (spesielt av typen "la oss gape så høgt vi kan"). På slutten sat vi i baren og prata litt med dei to irane som stod der. Dei fekk teste ut både min Nikon og Kristine sitt Polaroidkamera:

Eg gløymte heile tida kva blitz var på engelsk, og dreiv og sa "You have to use the blitz!" Gudd inglisj!

No skal eg straks til Førde og bruke pengar eg ikkje har. Ha ein fin tysdag!

Hei, mitt namn er Mari, og eg har ein tendens til å gå lei ting veldig fort. Forrige veke vart eg litt lei blogging, rett og slett fordi eg følar eg ikkje klarar å skrive om noko interessant (nei, eg fiskar ikkje etter å bli motsagt). I tillegg har det vore ganske hektisk i det siste, med labjournal og midtsemestereksamen, og kjekkare ting som bokhyllevors (der vi innvia den nye bokhylla til Marta), bedriftsbesøk til Sandsli, og tur på Finnigans. Dessutan har eg byrja å føle på at blogging gjer meg veldig sjølvopptatt i kvardagen, noko som ikkje akkurat er spesielt flatterande, og eg har vurdert å flytte bloggen til wordpress.com (fordi eg følar meg litt for gammal for blogg.no). Alt dette har ført til manglande innlegg den siste veka.

MEN. No byrjar eg å merke at blogglysta er på veg tilbake. Det hjelper sikkert at eg har påskeferie og meir tid til det, pluss at eg har fått litt småkommentarar på at eg forsømmer bloggen min (kremt kremt Siri).

Det var ei lang utgreiing. Eg meinte eigentleg berre å sei: "hei, eg er tilbake og skal prøve å poste meir."

• Er det kjempefint vêr
• Skal eg jobbe litt på kvelden
• Må alle skru av lyset frå 20:30-21:30 for Earth Hour
• Burde eg kanskje skrive eit innlegg med faktisk innhold
• Trur eg ikkje eg kjem til å gjere det

• Det er no to dagar til midtsemestereksamen, og eg er veldig, veldig stressa. Det hjalp litt at foreleser omsider la ut fasit til dei tidlegare gitte eksamenane, men herregud så vanskelege dei oppgåvene skulle vere! Kondensatorar er mi bane, pliz ikkje gi oss det på fredag.
• Det byrjar å bli vår i Bergen! Lyst om morgonen og høg himmel. Me likes.
• Eg skulle moglegvis ikkje kjøpt den digre snopeposen i går, sjølv om eg hadde ein skikkeleg dårleg dag. Frustrerte Fruer er heller ikkje noko god unnskyldning. Men det var godt, da.
• Eg syns det er dumt at Hege Kristiansen har falle av topplista på blogg.no. Ho var ein av dei beste på den lista.
• I natt hadde eg masse sære draumar. Actioneventyr med ein dæsj Science Fiction. Det er sikkert det som skjer når ein et masse godteri rett før sengetid.
• Eg gledar meg til påskeferien. Sjølv om eg sikkert på lese fag då og, så er det så avslappande å vere heime. Kanskje eg skal stå på ski?
• Eg håpar alle har ein fin onsdag!

Då eg prøvde buksedress i forrige veke, måtte eg konkludere i at det er eit plagg som stort sett berre ser bra ut på modellar. Meg fekk den til å sjå ut som ein svartkledd teletubby. På ein negativ måte, altså. Kven vil vel ikkje ha TV på magen?

Eg har alltid syns det er ergeleg, det der med at modellar kler absolutt alt. Derfor må eg sei eg vart litt glad då eg såg den siste Gina Tricot-reklamen. For sjølv ikkje modellen klarte å få desse til å sjå bra ut:

Wow. Berre, wow. Vil folk seriøst gå rundt og sjå ut som dei har bleie på seg? Det er seriøst fare for at eg bryt ut i latter om eg ser denne kreasjonen på nokon.

Takk, Gina. Du gjorde nettopp ein håplaus dag mykje betre!

I dag har eg:

Lakka neglene mine raude og lest Molekylære Drivkrefter.

Laga...

...og spist kjempegod middag.

Og til slutt har eg forberedt meg litt til midtsemestereksamen i PHYS102.

No skal eg blogge litt, og så lurar eg på om eg må gå og legge meg. 8:15-forelesning i morgon. Grøss!

Puh, ferdig med jobbehelg! Eg har jobba seinvakt i går og i dag, noko som jo passa bra med tanke på fredagens femtitalsfest. Som var heilt utruleg artig. Folk burde gå kledd slik kvar dag, det er jo så fint! Og så kunne vi godt høyrt på femtitalsmusikk òg. Sånn som denne sangen som vi berre måtte danse til:

Vi dansa villare enn The Isley Brothers. Typ hopping (i høge hælar) og slenging på hovudet. Eg hadde kink i nakken dagen derpå, men det var så verdt det.

I går kveld var eg hos ei venninne og spiste heimlaga pizza. Vi såg litt på "Det Var En Gang: Livet", som er ein heilt fantastisk tegneserie. Nokon som hugsar den frå Barne-TV?

Skikkeleg kvalitetsprogram. Noko anna enn det dataanimerte, "la oss bråke mest mogleg"-greiene dei har på Barne-TV i dag.

Korleis har di helg vore?

I kveld er det 50-tallsfest på HiB (Høgteknologisenteret i Bergen, altså, ikkje høgskulen), og eg bestemte meg ikkje for å dra på den før i går. Derfor er "kostymet" på biletet litt improvisert, og eigentleg noko eg kunne gått med til vanleg. Får sjå om eg kan gjere noko med hår og sminke så det blir meir utprega femtitals.

Då var eg ferdig med labjournal for denne gong, og skal lese litt i denne boka før eg legg meg. Peter Atkins (engelsk kjemiprofessor som mellom anna har forfatta to av pensumbøkene mine) skriv om vitenskap på fint og småpoetisk vis, og grunnen til at eg likar boka kan summerast opp ved denne setninga frå forordet:

"Vitenskapen er selve kronen av renessansens ånd, et enestående monument over menneskeånden og den vesle menneskehjernens evne til forståelse."

Dessutan har boka eit heilt kapittel dedikert til entropi - eit av mine favorittkonsept, og vitenskapens forklaring på kvifor rommet ditt alltid blir rotete.

Du slepp at slike ting skjer:

Eg har høyrt at syrebleiking og holete jeans er in for tida, men det er liksom ikkje heilt min stil.

Elles så kjem eg til å bli veldig glad når vi omsider er ferdige med å bruke H₂S-gass på laben. Det luktar altså heilt forferdeleg, og det verste er at ein etter ei stund blir immun mot stanken. Så for alt eg veit har eg gått rundt og lukta råtne egg i heile dag.

Anyways. På tide å ta med meg te og knaskerøtter inn i labjournalens verden. Ha ein koseleg onsdagskveld!

Eg er tilbake i Bergen, og manglar litt blogglyst. Eg veit ikkje kva som gjer det, men forhåpentlegvis går det over.

I går tok eg båten hit tidleg. Alt for tidleg, med tanke på at eg ikkje fekk sove før klokka fire natta før. Eit lite tips? Aldri drikk kaffi seint på kvelden med mindre du er vand med det. Du blir liggande og rotere i timesvis, halvvegs mellom søvn og vaken, hallusinerande om sko og Sverige. (Det var sikkert meir òg, men dei to er det einaste eg hugsar.)

Småtrøytt møtte eg kjærasten min, og vi hadde ein veldig koseleg siste-dag-i-land. Han reiste offshore i dag tidleg.

I ettermiddag fekk eg besøk av søstera mi, som tok turen innom Bergen på veg til Oslo. Eg vart særs nøgd då ho innrømte at byen min er mykje finare enn byen hennar. Likevel må eg sei at det verkar som om moglegheitane er fleire der borte. Kjersti er med i skodespel, var på audition på Teaterhøgskulen i helga, og går på Impro kvar veke. (Ho er veldig glad i teater.) Eg tvilar på om ho kunne deltatt på så mykje her i Bergen.

Eller kanskje ho kunne?

In other arty news: Romvenninna mi Cecilie skal ha utstilling på Kvarteret frå laurdag av. Ho skriv om det i siste innlegget på bloggen sin. Sjekk det ut, og kom og sjå den! Fine bilete og kjempesøte barnekle.

Dei har fått så mykje fint på H&M! Det over er berre noko av alt eg har lyst på, men må jo vere fornuftig skal ein ha peng til mat. Derfor er det kjekt med Polyvore. Det kjennes nesten ut som om eg har vore på shopping.

Men berre nesten. Sukk.